Пират toc лин кердеш

Ӹлен ылын лӱдшы Морен. Тӹдын шачмы кечыжы толын шон. Тидым пӓлен нӓлмыкышты, Ӹрвыж дӓ мол зверьвлӓ, кидеш кӓршым, гармоньым дӓ шишкышым кычен, тӹдын докы хыналаш кеат. Моренет, шыр-шур юкым колын, чоте лӱдын. Тук-тук севалмым колешат, цӹтырьшы юк доно ядеш:

— Кӱ, кӱ тӹ-ӹ-ӹшты?

— Тиды мӓ! Шачмы кечышкет толынна, — манеш Ӹрвыж.

Морен Ӹрвыжын юкым пӓлен колтаат, амасам пачеш.

Зверьвлӓ тӹдылан мам толькы кандыделыт, костенецыштым лыктын-лыктын миат. Ӹрвыж эхельым лыктын пуа, Ур пӱкшым кычыкта, Шӱлы якшар олмам викталта.

Гармонь юкым колын, Пират тӹшкы миэн шагалеш.

— Ма гишан техень aйом тӓрватенда? — шӹдын ядеш Пиры.

— Тагачы Моренын шачмы кечыжы вет!—манеш Ӹрвыж.

— Мӹнь Мореным качкын колташ толынам ыльы вет! Тенгежы мӹнят костенецым сӧрем: тагачат, иргодымат — нигынамат Мореным ам кычы. Мӹнь гӹцем паснаок тӹды со лӱдын цӹтырен каштеш.

Техень пуры шамак-костенецым колын, цила зверьок пиш когон сусу лит.

— Шамакетым веле ит монды,— манеш Шӱлы Пирылан.