Нюлэсмурт ho гондыръёс

Одӥг удмурт пӧйшураны нюлэскы мынэм но йыромем. Пеймыт луэм бере, со кыдёкысь пиштӥсь тылэз адӟем. Кема мынэм но Нюлэсмуртлэн коркаез доры потэм. Нюлэсмурт пӧйшурасез лякыт пумитам но сэндраяз изьыны косэм, куаразэ поттылыны лэзьымтэ: угось та уе со доры кышкыт куноос вуозы. Зэм ик, уйшор вакыт коркае трос гондыръёс пыриллям. Огез, пе, туж ӝужыт, йырыз сэндралэсь вылӥын. Сэндрае учкыса, со воргоронэз адӟем но адями зынэз шӧдэм, ачиз сое номыр карымтэ.

Гондыръёс Нюлэсмурт доры лыктӥллям асьсэлы толъён инты юаны. Нюлэсмурт котькудӥзлы нимысьтыз инты возьматэм, собере гондыръёс кошкиллям.

Нош пӧйшурась ӵукнаяз дораз бертэм но толбыт гондыръёсты кутылэм, котькудӥзлэсь изён интызэ азьло ик тодэм угось со.

Озьы Нюлэсмурт пӧйшурасьлы юрттэм.