Проект нерген | Юлсерысе йомак-влак

«Юлсерысе йомак-влак» проект Россий Федераций Президентын грантше полшымо дене ышталтын. Тиде грантым Президентын грант Вундышыжо гражданский мерсотым вияҥдаш полшышо сомыллан ойырен. «Юлсерысе йомак-влак» проект – тиде Юлсерысе калык-влакын йылмыштым, сылнымутыштым да тÿвыраштым йоча-влаклан тунемаш келыштарыме мультимедий онлайн электрон книгагудо. «Юлсерысе йомак-влак» электрон йоча книгагудо татар, чуваш, марий, мордва да удмурт икшыве-влаклан тÿнян кеч-могай лукыштыжо дистанционнын тунеммаште пайдале полыш семын лийын кертеш. Тушко татар, чуваш, марий, мордва, удмурт фольклорын эн сай произведенийышт пуреныт.