Онлайн амалэн аудиовыжыкылъёсты нылпиослы кылзон
«Шурали», «пери», «джигитъёс» но «байёс» - та бигер персонажъёс бигеръёслы гинэ ӧвӧл, Россиысь трос калыкъёслы тодмо. Ӧд лыдӟылэ на-а колӟолэсь лэсьтэм адями сярысь мадёсъёсты, кудӥз аслыз узыр муртлэсь нылзэ кышно басьтӥз?
Валляна дырысен поръёслэн атаезлэсь пиезлы выжем веран-мадёнъёссы висъясько Волга котырын улӥсь калыкъёслэн выжыкылъёссылэсь натуралистической луэменызы, улонэз зэмос возьматэменызы. Темазы ласянь соос туж пӧртэмесь: семья кусыпъёсты эскерон сяна, соос валэктыны тыршо, "малы лудкеч мӧзме".
Улонэз ӵоже чуваш калык адямилэн сямыз сярысь трос гинэ шонер чакласьконъёс лэсьтӥз но возьматӥз сое выжыкылъёсаз. Сӥзь сярысь лыдӟыкумы, кудӥз юрттӥз Ӟичылы шуг-секытысь потыны, нош Ӟичы солы пунэмзэ уродэн берыктӥз, валаськом, татын вераськон мынэ адямиос сярысь шуыса. Соин ик малпаськыны кутскиськом.
Пуны - адямилэн эшез, но нокин но уг малпаськы, малы. Нош мордва калык тодэ: кызьы озьы луиз, пуны адямиен артэ улыны кутскиз шуыса. Эшшо мордва калык выжыкылъёсын пӧйшуръёс кылбурен верасько.
Трос мукет мифологической персонажъёс сямен ик, удмурт Нюлэсмуртъёс но Нюлэскузёоос висъясько лек но кӧшкемыт луэменызы. Озьы ке но, куддыръя Вумурт но адямилы юрттыны быгатэ. Тон эн лу пӧяськись, уксё сьӧры эн уйиськы - соку тыныд лек кужымъёс но юрттозы. Таӵе сямъёслы дышето удмурт калык выжыкылъёс.