Йоча йÿкйомак-влакым онлайн колышташ
«Шурале», «пэри», «джигит» ден «бай» татар-влаклан гына огыл, моло калыкланат моткоч палыме улыт. А те лудында, кузе руаш гыч шочшо айдеме ик поянын ÿдыржым марлан налын? Уке? Кумылын колыштса!
Ача деч эргылан ожнысек куснен толшо марий йомак-влак моло Юлсер калык-влакын йомакышт деч илыш чын дене ойыртемалтыт. Нуно тÿрлӧ сынан улыт – иктыже еш илышым умылтара гын, весыже «молан мераҥ шÿлыкан?» йодышлан вашмутым пуа. Кумылын колыштса!
Эртыме корныштыжо чуваш калык айдемын койыш-шоктышыжым чот эскерен да шке иктешлымашыжым йомакыште палемден коден. Икана Шиште Рывыжым утарен, а тудыжо тауштенат огыл. Йомакым лудмына годым шоналтена: тушто янлык-влакым огыл, а еҥ-влакым сÿретлыме. Кумылын колыштса!
«Пий – айдемын йолташыже», - ойлат чыланат. Но молан лач тыге лийын, иктат огеш пале. А мордва калык умылтарен кертеш, кунам да кузе пий айдеме дене пырля илаш тÿҥалын. А эше мордва йомаклаште янлык-влак почеламут дене мутланат. Кумылын колыштса!
Моло калыкын семын, удмурт-влакынат чодырасе юзо вийышт осал чонан улыт. Но южгунамже эсогыл Вумурт айдемылан полшен кертеш. Чын лият гын, окса почеш от курж гын, осал вият тунам тылат полыш кидшым шуя. Удмурт йомак-влак лач тидлан туныктат. Кумылын колыштса!