Ныл но вумурт
![](/cache/b2/b2131eae4fe0503275ef094284966438.jpg)
Анна нимо ныл вукое пызь изыны мынэм. Уин потэм ву дуре но кырӟаны кутскем. Кырӟамзэ кылыса, нюлэскысь ӝужыт адями потэм но матаз лыктыса юам:
— Кин тонэ ӝожомытӥз?
— Нокин но ӧз ӝожомыты, мон вукое лыктӥ, черодме возьмасько.
Адями синзэ кыньыны косэм. Анна косэмзэ быдэстэм — соку ик гуэ усем кадь йӧтэм. Минут ортчыса, адями берен синзэ усьтыны косэм. Ныл учке но — со азьын туж ӟеч корка, вань адӟемъёсызлэсь но усто, пе. Анна валам Вумурт доры сюремзэ.
Ныл одӥг уйзэ отын изем. Сое вазь ӵукна ик нюлэскы пулы ыстӥллям. Потыны кулэ вал шунды ӝужам бере. Уйвӧтаз нош солы куинь валъёс тазьы веразы вал:
— Тон милемыз шунды ӝужамлэсь азьло ик сюд, нош вуысь поттыкумы, сюлоен шуккы.
Нош Вумурт шунды ӝужамлэсь азьло валъёссэ сюдыны ӧз лэзь.
Ӵукна, Анна сайкаку, Вумуртизе на вылэм. Потэм ини нылаш нюлэскы но валъёсты сюлоен шуккем. Соку ик валъёсыз нылъёслы пӧрмиллям. Соос мадиллям Анналы, кызьы Вумурт, соосты пӧяса, валъёс интые ужатӥз.
Озьы тӥни соос Аннаен гуртазы бертӥллям.