Патятъ ялакстъ

Тейтернеть цёринеть, патятъ ялакстъ, тусть виревъ пештень кочкамо. Сынь вирсесть ёмасть. Вешнесть, вешнесть ки, эзть мукъ. Вана састь сынь ве кудыне ваксъ. Те кудосонть эрясь яга-баба. Яга-баба саинзе сынстъ да кониксъ пекстынзе. Тозо каясь пондо пешть и мерсь тенстъ: не пештнеде ярсадо, эйдинемъ, куялгадомазонкъ.

Омбоце чистэ яга-баба кочадыксэ пелька прястъ лазынзе: ванынзе куялгадсть, эзть. Ваны — эзть куялгадтъ. Оштё каясь тенстъ кавто пондтъ пешть. Омбоце чистэ сась ваномостъ. Ваны—куялгадсть. Сайсь сонъ, уйшсь писи пецька. Ладясь койме томба лангсъ да мерсь тенстъ: мадеде тезэнь калачкомъ-кулачкомъ! Цёринесь мерсь: минь а сдатанокъ кода тенекъ мадьмексъ. Яка тонсь тенекъ невтика, кода мадьмексъ. Яга-баба мадсь койме лангсъ кулачкомъ-калачкомъ. Сынь патят ялакстъ саизь сонзо да эсензе писи пецькастень ёртызь.