Крестьян но вумурт

Огпол крестьян ярдурын пу кора вылэм но тӥрзэ вуэ уськытэм. Тӥрез соку ик выем. Куректэ ни, пе, воргорон, синвуэз ик потэм. Со доры Вумурт потэм но юа, пе:

— Малы бӧрдӥськод, уром?

— Тӥре выиз.

Вумурт вуэ зымем но азвесь тӥрен берытскем.

— Тынад-а? — юам крестьянлэсь.

— Ӧвӧл, та тӥр мынам ӧвӧл, — шуэм крестьян.

Вумурт выльысь зымем но зарни тӥрен потэм.

— Таиз нош?

— Таиз но мынам ӧвӧл.

Вумурт эшшо огпол зымем но огшоры тӥр поттэм.

— Вот таиз мынам,— шумпотэм воргорон.

Соку Вумурт куиньзэ ик тӥрзэ солы сётэм.