Курка, ӵӧж но мукетъёс
![](/cache/62/6245f06ee0f6b8fb7e02cbed4f5204d3.jpg)
Жыт шунды пуксён вакыт Курка сюры вылэ изьыны тубе вылэм. Лопыръяськонъяз бурдыныз тэкит лагушкаез погыртэм. Тае адӟыса, Курег лыктэм.
—Эк-ке-ке-э-эк!.. Нош ик мон вылэ понозы ук ини,— шуэ, пе, Курег.
Куреглэсь куаразэ кылыса, тап-тап гинэ бызьыса, Ӵӧж лыктэм.
— Ватэ, ватэ, ватэ! — шуэ Ӵӧж.
Чӧжлэсь куаразэ кылыса, Писэй лыктэм.
— Mae, мае, мае? — шуэ Писэй.
Курка нош шуэ:
— Тетькез! Тетькез! Тетькез!
Куркалэсь куаразэ кылыса, Ӟазег лыктэм.
— Ага-га-гак!.. Mae тӥ кисьтӥды? — шуэ.
Курег нош ик сюлмаськыны кутскем:
— Эк-ке-ке-э-эк!.. Мон вылэ понозы ук ини.
Тае Пуны кылэм но бызьыса лыктэм:
— Уз! Уз! Уз! Курег уром, тон вылэ уз понэ. Уз! Уз!
Та ужез Атас кылзэм, кылзэм но сюры вылысен ик «Кокори-и-и- ко-о-ок!.. Сюриды-ы-ы ве-э-эдь!» шуыса кеськем.
— Эк-ма таосын!.. Изъянтыса гинэ уло,— шуэм кузё но буш лагушказэ ӝутэм.
Ыж нош гид капка вискытӥ йырзэ мычем но лар-лар кеськем:
— Берло ма-а-а-р-р!