Нузякске

Вейке ава тейтерензэ мирьденень лiя велес максызе. Сон тейтерензэ мирьденень максомсто, истя эйсэнзэ тонавсь: тон, мери, дочинем, штереть, пакареть иля кадно, яла сайнек кедезэть. Мон салава ёвтан тенк, цёрат, тейтерезэ кодамо ломань ульнесь: мон сынст кавнеск ават тейтерть содылинь. Тейтерезэ нузяксонь нузякс ульнес.

Тейтерь, кода мирьденень тусь, аванзо валонзо эзинзе истувт: штерензэ, пакарензэ, яла сайни кедезэнзэ. Кон илязо мольть; мезе илязо тейне, штерензэ, накарензэ а кадны: эйсэст яла кедезэнзэ сайни. Шабаслиси, штерензэ, пакарензэ а кадны; понкст, панарт човси, чапакс ичи, удомо мади, ярсамо озы—штерезэнзэ, пакарезэнзэ яла каполи. Тынь расетядо ва, — сон штерьсь?—Арась, сон эзь штерьть: сынст ансяк кедезэнзэ сайсынзе да одов путсынзе.

Iе кавто эрясть сынь истя; аввнзо кедстэ ускозь одюжанзо калавтызь. Годявсь тенст авв\анстэнь госькс молемс. Кода молемс ней тензэ? — а мезе тенз’ орчамс, кудосо як чуть а штапо яки. Молеме тензэ пек охота ульнесь: сон симеме, ярсамо пек вечкиль, сонс хоть нузякс ульнесь. Сон мирьденстэнь корты: минь, мери, вана мезе тейдянок: тон мукорот алов олгт седе ламо пут; лангозост кеньде ацак: кеньденть алов олгтнэ потс мон мадян; тон озат лангозом кеньденть лангс. Кода аванень сат, ёвтак тосо мондем: сон, мерть, мейле сы. Кода чизэ чопуди, мон кудос кода як сован да ёвтан тенст: ки лангсо, мерян, тев самсто, лангозом розбойникть листь, весе, мезе ускилинь тенть, авинем, нелгизь кедстэм; эсем лангсто одюжам гак ваткизь!..

Истя тейсть. Кода чизэ сундергадсь, аванзо кудосо тол курвайсть. Кудосонть гостне ирелесть уж: ки моры, ки кишти, ки сёвны, ки аварди… кода друг таго мезе лався лангсто ухади сто’ лангс! Столенть лангсо месть ульнесть, весе валновсть, столесь масторов сявордсь, кудо потмо весе пукто, толгадо пешкедсь. Весе кудос’ ульнесь ломатне тандадсть; кона кенкшь маласо ульнесь — куд’ икелев лись, кона каськас, кона эзем алов, кона пецьк’ алов, конат пецька, полук лангс кекшнесть; ансяк содамозо эзь кекшть. Сон мери козяйканстэнь: тон, баба, мез’ истя теить? косо ульнить? мейсь штапат?! Бабазо, вальгейсэ рангазь, ёвтнеме кармась, мез’ икеле атят бабат думакшность. Авазо радувась тейтеренстэнь, седе курок оршизе, каризе.

Тейтерезэ кода чизэ чопулгадсь, кудонтень совась стамбарнэстэ, куйсь пецька лангс; тосто полук лангс; полук лангсто лався лангс. Лався лангсонть, столь велькссэ толга, пук маро пешксе парго аштиль. Сон се паргонтень пуконть потсь озась да иредсь бульшутком вина чiйнентень, эл’ уж пекезэ пек вачсь, а сдан; паргстонть паргонек комазь ваномо кармась. Комась, комась, паргонек да пук, толганек тосто уштызе.